اريد ابني مظيف ابطين حصير و بردي اوجهنه
بس حيطان ما حط باب خاف ابعسر اسدنه
افصل بيرق ابيض لون فوگ اهناك اعلگنه
مكتوب المعسر مر بينه
الشاعر حسن ابو ایمن الزهیری
مو ما صخ لذيذ الزاد امن اختي التلبس الشيله
وحليب الام حرام إعلیه العنده اویه الربع حیله
الیگرص لایضم راسه الفخر للما یضم ذيله
العگرب من ذیله ایهابونه
الشاعر حبیب مزرعه
صديقي الچنت ازامط بیه وگلبي ایحسب احسابه
رحتله ابیوم عید الله وصلته وسد علي بابه
رجعت اردود ادگ بالباب طلعلي ونبح اچلابه
گللهن هذا الباگاني
***
صدیقي الچنت ازامط بیه و اعز من عندي ما عنده
خنجر غدر شک باحشاي طحت وشاف وتعده
کله وماحسبت ایخون گلت هاک الجرح شده
شد جرحي ونیشن للثاني
***
صدیقي الچنت ازامط بیه واعز من عنده ماعندي
لچمني وخله کل شامت وگف ویهوس ابضدي
رحتله وگمت ادگ بالباب گلهم دگت امجدي
گلوله ایدگ باب الثاني
***
صديقي الچنت ازامط بیه وگلت اینوح یم نوحي
غافلني ابحلاة النوم ضب صم ملح بجروحي
گلبي ابطاعتي او وياي بس العیب من روحي
کلمن یضحکلی امخاویته
الشاعر حبیب مزرعه
اناابن اصل العروبه الزامطوا ظهر الحمر
وانا ابن گوم النشامه اللوواچفوف الدهر
انا اهلی ایواد کلهه النالوا العز والفخر
((مشایت خیل او خیاله))
اناابن اصل العروبه وشوکه بعیون الزمن
او عندی اغله الناس کلهه فدوه لتراب الوطن
مااچل من القضیه اشماکثر بیه المحن
((مادام الدم باقی ابلونه))
حسن الزهیری
.jpg "مرحوم شیخ طهران آلبوغبیش")
مرحوم شیخ طهران آلبوغبیش
هوسات و اشعار للشاعر محسن الفرحانی
معرفی 
هوسات الهوسه